Die lugruim is gevul met liefde gedurende Februariemaand en Flower Valley Bewaringstrust staan gereed om jou ander helfte op Valentynsdag met ‘n pragtige bos fynbosblomme te bederf - gepluk in Gansbaai se spesiale fynbos agterplaas.
Flower Valley Bewaringstrust is ‘n nie-regeringsorganisasie en is net buite Gansbaai gesetel. Die Trust fokus op die bewaring en hulle werk in die fynbos koninkryk om fynboslandskappe te beskerm.
Om die Gansbaai-area se lieflike fynbos te vertoon, sal Flower Valley op Valentynsdag (Dinsdag, 14 Februarie 2017) fynbosruikers in Gansbaai, Stanford en Hermanus aflaai.
Belangstellendes wat die Trust se werksaamhede wil ondersteun, kan een van hierdie pragtige fynbosruikers teen Vrydag, 10 Februarie 2017 bestel.
‘n Boodskap aan ‘n geliefde kan ingesluit word en Flower Valley se fynbosspan sal die ruiker, met die boodskap, by geliefdes se woonadresse of werksplekke aflaai om geliefdes te verras.
Hierdie projek vorm deel van die Trust se werk om fynbos te beskerm en om die skoonheid van fynbos ten toon te stel.
Flower Valley implementeer ‘n program om indringer-plante uit natuurlike land-skappe in die Overberg te verwyder.
Vir meer besonderhede kan Adrianne van Wyk by 028 425 2218 geskakel word. Die webtuiste wat besoek kan word, is www.flowerval ley.org.za.
