Hoe laat jy so ‘n wedstryd deur die vingers glip met ‘n gerieflike voorsprong van 16-5 in die tweede helfte van die spel?
Ja, dit was ‘n bitter pil om te sluk met die wind ook nog in hul blaaie. Iets drasties moes gebeur het en niemand anders as net daardie 22-tal sal dit kan beantwoord nie.
Tog was daar ‘n groot deel briljante spel deur die Baai gelewer deur die loop van die wedstryd wat die skare op hul voete gehad het. Wat die Baai ‘n gevreesde span onder ander spanne gemaak het met hul geweldige agttal, kom hulle glad nie meer die mas behoorlik op nie.
Genadendal het definitief ‘n swak skakel raakgesien en gate oopgehardloop deur Black Leaves.
Black Leaves dwaal nou van die punteleer af en dit gaan hulle bloedsweet kos om Grabouw Saterdag (29 April) te klop.
Elke speler sal maar net weer sy kop moet oplig om die tuisskare gelukkig te maak met die Atlantics (Hermanus) tuiswedstryd.
Met die blaas van die eindfluitjie Saterdag kon Black Leaves sekerlik geen beloftes aan Genadendal toon om die bordjies met die tweede rondte te kom verhang nie, tensy daar nie vinnig drie agtereenvolgende wedstryde gewen word nie.
So ‘n SOS kan die gekweste Black Leaves weer laat opstaan om goeie rekenskap van hulself te gee.
Die uwe glo die manne sal na die nederlaag hul koppe skoon kry en nie die eerste tuisneerlaag te veel koester nie.
Die afrigterspan moet seker maak om dinge reggestel te kry. Dit kan net gebeur as elke speler passievol in sy posisie by die oefenveld opdaag.
Sportgroete
So sê Bra “G”
