Die Walkers sê welkom

‘n Internet-vakature-advertensie vir ‘n gekwalifiseerde auto-elektrisiën het daartoe gelei dat ‘n gesin van Kuruman reeds met hulle eerste naweekbesoek aan Gansbaai hul harte hier agter gelaat het – en nou is Riaan en Aileen Snyman sak en pak terug met hul twee kinders om ‘n toekoms hier in die Overstrand te skep.

Riaan sal voortaan sy auto-elektriese besigheid voortsit saam met die eienaars van Walkerbay Engineering, Tony en Sonja Walker.

Die twee jong gesinne het hope talent tussen hulle. 

Riaan was in 2009 ‘n 110m hekkies SA Kampioen en het tot op 25-jarige ouderdom professioneel aan SA Atletiek deelgeneem.

Sy vrou, Aileen aan die ander kant het SA Kleure vir gewigstoot in haar laerskooldae verwerf, asook Gauteng Kleure vir hoogspring en verspring.  Sy  is ‘n welvaartskepper en besigheidsraadgewer, wat gesondheid en fiksheid hoog op haar prioriteitslys stel.

Hulle oudste seun, Sebastiaan (9) is al heel tuis in Gansbaai Laerskool en Ariana (3) is by De Kleine Gansies Kleuterskool ingeskryf.

Tony en Sonja wil op hierdie wyse die Snymans hartlik welkom heet in Gansbaai en vertrou dat albei gesinne ‘n lang en voorspoedige verhouding sal hê.

Sonja is ‘n bekende en gewilde fotograaf in Gansbaai.

Die Walker-ouers en hul 8-jarige dogter, Anja en 5-jarige seun Jano het 8 weke gelede die nuwe pienkvoet in die gesin, Jana tydens ‘n tuisgeboorte met groot blydskap verwelkom.

Jana is op haar ouma Alta Walker se verjaardag gebore.

Sonja en Tony Walker vn Walkerbay Engineering (links) met hulle jongspan Anja (8), Jano (5) en Jana (8 weke) het hierdie week die Snyman-gesin in Gansbaai verwelkom. Aileen en Riaan staan regs met die 3-jarige Ariana op sy arm en die 9-jarige Sebastian (voor). Riaan vestig sy auto-elektriese besigheid as deel van Walkerbay Engineering in dieselfde perseel.  Aileen is ‘n welvaartskepper, besigheidsraadgewer en gesondheidskonsultant.
Sonja Walker is bekend as Gansbaai se mamma met die kamera om die nek.  Sonja het Woensdagoggend hierdie foto’s van kleuters by die plaaslike brandweerstasie geneem.  Die twee Buhr-boeties, Wilhelm en Heinrich was baie verbaas oor alles wat om hulle gebeur.
GansbaaiCourantNew