Boosdoeners vasgevat

Boosdoeners vasgevat

Gansbaai Courant

‘n Man wat vir huisbraak gearresteer is, maar daarna nie met enige van die sake verbind kon word nie, se samewerking met die polisie het tot die arrestasie van 8 vermeende boosdoeners gelei.

Die arrestasies met adjudant-offisier Vermeulen van Gansbaai speurtak aan die stuur, het in die Franskraal Karavaanpark plaasgevind in samewerking met die Overstrandse 'Cluster' Honde-eenheid. Die verdagtes het Maandag, 22 Mei 2017 in die Hermanushof verskyn waar borgtog teengestaan is.

Weens verdere ondersoek kon hul name nie bekend gemaak word nie.

Honde-eenheid by nog 4 arrestasies betrokke

Konst Meyer van die 'Cluster' Honde-eenheid het Vrydag, 19 Mei 2017 buurtwaglede begelei om spesifieke deurgangroetes aan hulle uit te wys. Tydens die tog het hulle op 4 verdagtes afgekom wat op pad was om te gaan inbreek. Hulle is in hegtenis geneem vir die besit van gereedskap wat gebruik word om in te breek, soos ‘n skroewedraaier, boutsnyer (bolt cutter) en ‘n koevoet (crow bar).  

Die verdagtes is geïdentifiseer as betrokkenes by vorige huisbrake.

Hulle het Maandag, 22 Mei 2017 in die Hermanushof verskyn waar borgtog teengestaan is. Hulle name kan weens ‘n uitkenningsparade wat nog  nie afgehandel is nie,  nie bekend gemaak word nie.

Buurtwagte

‘n Ernstige beroep word op inwoners gedoen om by die onderskeie buurtwagte aan te sluit en om veral behulpsaam te wees met die ry van nagpatrollies.

Groter Gansbaai se buurtwag vereis lidmaatskap van AfriForum en dit is die moeite werd om dit ernstig te oorweeg om ‘n lid van die organisasie te word.

Almal wil snags veilig voel terwyl hulle tuis is, maar slegs ‘n paar mense is  bereid om by die buurtwagte aan te sluit en  behulpsaam te wees met onder andere, nagpatrollies. ‘n Volledige lys van die onderskeie buurtwaggroepe word gereeld in die Gansbaai Courant gepubliseer.

Nie net vir misdaad

Franskraal buurtwag, asook die inwoners van Franskraal, het getoon dat hulle nie net teen misdaad opruk nie, maar dat hulle ook ‘n helpende hand in nood kan uitreik.

‘n 69-jarige man wat aan Parkinsonsiekte ly het verlede week  in Franskraal soek geraak. Die Franskraal Buurtwag en verskeie lede van die publiek het naderhand na die man begin soek, veral nadat dit op die Facebookgroep ‘Wie maak vir Gansbaai’ lekker geplaas is.

Onder leiding van Willem van der Merwe, van die Franskraal Buurtwag is hy opgespoor waar hy aan ‘n draadheining vasgehaak het. Hy het ligte snymerke opgedoen en was gedisoriënteerd toe hy gevind is. Hy het ook sy sonbril en gehoorstuk in die proses verloor.

Gesoek

‘n Verdagte, Francois May (27) op die foto hiernaas, word deur Gansbaai SAPD se speurtak gesoek vir dringende ondervraging.

Enigiemand met inligting waar die verdagte hom bevind, kan met Gansbaai SAPD se speurtak in verbinding tree by 028 384 0201.

Boosdoeners vasgevat

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles