Die Suid-Afrikaanse Poskantoor het pas ‘n stel seëls getiteld “Bye vir Afrika”, bekendgestel.
Die seëlvel en eerstedag-koevert is deur Jessica Delaney, ‘n student by die Open Window Institute for Arts & Digital Sciences in Centurion, ontwerp.
In bewaringskringe bestaan groot kommer oor die dalende getalle van heuningbye, hoofsaaklik as gevolg van besoedeling en die wydverspreide gebruik van gifstowwe is.
Bye is baie meer as net heuningprodusente. Hulle verskaf ‘n noodsaaklike bestuiwingsdiens aan plante (en boere).
As heuningbye sou verdwyn loop duisende plantsoorte gevaar om uit te sterf en vrugte- en groenteboerdery sal feitlik onmoontlik word.
Heuningbye bestuif sowat 50 soorte kommersiële oeste in Suid-Afrika.
Suid-Afrika is ‘n tuiste vir die Afrika heuningby, asook die Kaapse heuningby. Die Kaapse heuningby is hoofsaaklik tot Kaapse fynbosgebiede beperk, terwyl die Afrika heuningby vanaf die streke noord van die fynbos tot in Sentraal-Afrika strek.
Die seëls is geldige posgeld vir klein internasionale briewe, en dus sal duisende seëls bewustheid skep van heuningbye en hul omstandighede soos dit deur die wêreld versend word.
Die posseëls is by alle groot poskantoortakke beskikbaar. Die koste per seël beloop R9,15.
