Overberg neem deel aan WP-liga

Overberg Bootklub het die afgelope naweek weer deelgeneem aan die WP hengelliga.

Die 3 klubs wat betrokke was, was Gordonsbaai Boat and Angling Club, Cape Boat & Ski Boat van Kaappunt en Overberg Bootklub.

Hengelaars kon vanaf hul eie klub af see toe gaan, of as hulle wou, kon hulle by een van die ander klubs gaan hengel.

Die kompetisie het Sondag plaasgevind.

3 van Overberg Hengelklub se bote is vanaf Kleinbaai hawe see toe en 1 vanaf Gansbaai hawe.

Die spanne is net na sonop (07:15) uit see toe en dit was ‘n pragtige dag op see.

‘Lyne op’ was 15:00 en die skaal is nader getrek by die klubhuis. 16 hengelaars het deelgeneem waarvan 4 juniors en 2 dames.

4 spesies is ingeweeg. 

Swaarste in spesie: Hottentotsvis 1.22kg gevang deur Stephen Ashlin, rooiroman 2.97kg gevang deur Robert Dahl, rooistompkop 1.98kg gevang deur Ric Icvisis en swaarste rooi stompkop 2.18 gevang deur DP Burger. Teen ons ter perse gaan was dit nog nie bekend watter van die klubs die kompetisie gewen het nie.

DP Burger neem van 4-9 Augustus aan die 2017 NDSAA Bottom Nationals in Durban deel en is ‘n lid van die WP-span. 

Mark Truter (links) met 'n rooiroman en DP Burger met 'n rooistompkop van 2.18kg. DP neem volgende week aan die NDSAA Bottom Nationals in Durban deel.
GansbaaiCourantNew_1501838488