Lynette van Wyk van Dance Variations Co Ministry in Gansbaai is gereed vir die groot dag wanneer haar produksie, Spring has Sprung, aangebied gaan word.
“Ek noem dit ook ‘sing en dans vir die gestremdes’ van Huis Elim in Kerkstraat, Gansbaai,” sê Lynette. “Alle winste vir die aand gaan aan Huis Elim, Gansbaai geskenk word.”
Christian Pinkerton van Hermanus, het ingestem om vir Lynette as balletmeester op te tree.
Christian het as professionele danser Suid-Afrika in 2015 by die Wêreld Danskampioenskappe verteenwoordig en met ‘n goue medalje teruggekeer.
Wepener van der Walt, ‘n vriend van Christian, wat vir sowat 5 jaar ‘n sirkus-kunstenaar was, sal op sy stelte (stilts) te siene wees.
Sowat 40 dansers sal aan die opvoering van sowat 1½ uur deelneem. Tydens pouse sal daar ‘n veiling van juweliersware en wyn plaasvind.
Die voorlopige program bestaan uit sowat 14 items, waartydens toeskouers ‘n verskeidenheid van danse drama en sang kan geniet.
Kaartjies teen R100 vir volwassenes en R40 vir kinders is verkrygbaar by Marie Reid - 083 310 1733.
Geen verversings sal toegelaat word nie en belangstellendes sal moet wikkel as hulle 1 van die slegs 60 sitplekke wil inneem.
Die konsert begin Vrydag, 29 September om 18:00.
