Om in 2017 ware rus te vind in God se teerheid

Om in 2017 ware rus te vind in God se teerheid

Psalm 131:2. Ek het rus en kalmte gevind. 

Psalm 131 is ‘n kort psalm maar ‘n ware juweeltjie. Daarin vertel Dawid hoe hy rus en kalmte in God se teerheid gevind het. God is vir hom soos ‘n moeder by wie hy tevredenheid vind. Na al die oorloë wat hy moes voer en al die probleme om ‘n land te bestuur, vind Dawid sy krag daarin om ‘n teer en intieme oomblik met God te deel. Ons kan rus vind deur ons nou en dan in God se teerheid te baai. God se teerheid . . .  ja, miskien is dit ‘n ander woord vir God se genade. Die lewe is nie altyd regverdig nie, en tye in die lewe is moeilik. Maar hierdie psalm, kort soos hy is, vertel ons nog iets van die lewe: dat dit ook vol van God se teerheid is. En nou kan ek weet: al is daar nie altyd reg en geregtigheid nie, daar is altyd nog God se genade. En daarin kan ons rus vind: in God se GENADE en in God se TEERHEID. Mag jy dit besef in die nuwe jaar wat voorlê. Koning Dawid het gesê: “Ek maak my nie besorg oor groot dinge nie, dinge bo my vermoë nie.”