God van tyd
Jean Vanier, die Fransman, wat “huise” vir gestremdes oor die wereld opgerig het, het al geskryf dat ons vriende moet maak met die God van tyd. Miskien sal ons nie dan so maklik praat van tyd mors nie. Onthou is nodig vir die toekoms. Onthou het te make met stop en besef dat ons ingeweef is in mekaar se stories en in groter verhale. Dat dit niks help om die geskiedenis te ignoreer nie, want dan gaan ons onsself nie verstaan nie, maar bowenal dat God tog nog altyd in tyd gewerk het.
Geen tyd kan vermors word nie, want God is altyd reddend teenwoordig. Alle tyd is gevul met God se redemptive presence. Miskien is dit soos swangerskap. Jy kan niks sien gebeur nie, maar tog is iets vormends aan die gang. God is swanger met ons toekoms en die aard daarvan is gekoppel aan wie die God vir ons was in die verlede. Altyd teenwoordig.
