Die Psalmboek is seker die boek in die Bybel wat die meeste gelees word. Almal het seker hulle gunsteling Psalm. Sekerlik omdat daar iets rou in die Psalms is. Ons kan met die emosies van verlatenheid, dankbaarheid, vreugde, magteloosheid en skuld assosieer. Iemand het eendag gesê: “the more universal, the more personal”. Wat hy daarmee bedoel het was dat emosies universeel is. Ons kan identifiseer met die woorde van die digter wat 3000 jaar gelede geleef het. Omdat dit sulke universele ervarings is, klink dit so bekend. Asof ek dit self gebid het. Ook Jesus praat uit die Psalms as Hy aan die kruis hang. Omdat die Psalms die taal gee vir sy lyding. Daarom sal ons in die Matteusweergawe van die kruisgebeure die woorde van Psalm 22 herken. Dit is juis hierdie ontdekking wat Martin Luther getref het. Jesus se emosies is sy emosies. Hoekom vrees hy wat Luther is dan nog steeds vir God? Dit was die begin van ‘n pad van heelwording.
