Goud vir Pieta

Goud vir Pieta

Gansbaai Courant

Na maande  en baie ure se sweet in die gimnasiumsaal is Pieta Botes van Health And Active Gansbaai wat in Hoofstraat geleë is, met ‘n welverdiende eerste plek beloon. Dit was ook die eerste goue toekenning waarmee hy huiswaarts kon  keer - ‘n uitsonderlike prestasie vir die toegeweide liggaamsbouer.

Die TeamPaC span van Health and Active Gansbaai het op 2 en 3 Junie 2017 aan die “5th Battle of the Titans” vir liggaamsbouers in die Durbanville Ouditorium deelgeneem.

Die span het uit 4 Gansbaaiers bestaan: Pieta Botes, Deidre Scholtz, Gretha Hanekom en Staci Groenewald.

Dit was Pieta se derde keer om sy vernuf in liggaamsbou op die verhoog te vertoon, maar hierdie keer was hy gereed vir ‘n titaniese beeldboustryd.

Sy prominente selfvertroue, asook ‘n permanente glimlag op sy gesig, het die deurslag gegee en ook gewys dat hy werklik geniet wat hy doen.

Die gehalte van sy optrede en die uitstekende toestand waarin sy liggaam is, het soveel verbeter na sy vorige optredes, dat dit reeds voor die aankondiging van die wenners duidelik was dat hy as Nommer 1 aangewys sou word.

Deidre Scholtz is die eerste Gansbaaier wat verhoog toe gestap het. Sy het aan die “Beach Bikini” item onder 1,63 meter deelgeneem en teen 14 wêreldklas vrouedeelnemers opgetree.

Die kompetisie was uiter mate straf en die deelnemers se punte-uitslag het baie naby aan mekaar geëindig. Al het sy nie gewen nie, het Deidre haar stempel deeglik afgedruk vir iemand wat die eerste keer aan so ‘n spiermeting deelneem.

Gansbaai se Gretha Hanekom het teen 17 vroue kragte gemeet tydens ‘n taai stryd in die “Beach Bikini” item vir vroue langer as 1.63 meter.

Gretha het slegs 9 weke gehad waarin sy haarself kon voorberei en haar spanmaats is baie trots op wat sy bereik het.

Met Staci Groenewald se instap op die verhoog - ook ‘n eerste keer - het die toeskouers “histeries” geraak aldus die verslag wat ontvang is en dit het gelyk asof sy dit al vir jare doen.

Sy het soos ‘n “supermodel” aan die “Beach Bikini” item vir vroue ouer as 35 jaar deel-geneem en het die derde posisie ingepalm.

“Ons sien daarna uit om al drie hierdie Gansbaaiers weer op die verhoog te sien,” het ‘n trotse Pieta gesê. “Hulle neem net ‘n kort ruskansie voordat hulle weer vir die volgende vertoning begin oefen.”

Hy het hulle gelukgewens met die prestasies en gesê hulle het Gansbaai en die klub se naam hoog gehou met hul uitstekende vertonings.

Goud vir Pieta

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

DIY Handy Hints #05

DIY Handy Hints #05

Here's how to get rid of dents in your wooden furniture!

Gansbaai Build It
See All Articles