Porsche Suid-Afrika kuier in De Kelders

Porsche Suid-Afrika het oor jare heen ‘n sagte plekkie vir Gansbaai en meer spesifiek De Kelders ontwikkel.

 “Ons ry jaarliks hierdie roete om die pragtige natuurskoon opnuut te geniet en ook omdat die roete ideaal is vir ons spesifieke motors,” sê Christo Kruger, mediabeampte van Porsche Suid-Afrika.

Hul gunsteling kuierplek bly steeds Coffee on the Rocks van Barry en Gail Johnson in De Kelders. Die jaarlikse Porsche-uitstappie na die pragtige Overstrand strek reeds oor baie jare.

Nie alleen stel Porsche Suid-Afrika hul nuwe produkreekse op die roete bekend nie, maar bring ook hul kliënte en personeel hierheen om die pragtige natuurskoon te bewonder.

Hierdie besoeke is ‘n inspuiting vir die area se toerismebedryf, aangesien die groepe verskeie besienswaardighede  besoek, gewoonlik oor ‘n tydperk van sowat vyf dae. Joernaliste maak ook gereeld die roete mee.

Barry Johnson van Coffee on the Rocks vertel dat hul besoekers nooit uitgepraat kan raak oor die Overstrand se mooi kuslyn nie. Porsche bepaal wat hulle op die spyskaart wil hê by hierdie gewilde toeriste uitkykpunt en die Johnsons sorg dat hul kliënte se wense vervul word.

Mooi natuur – mooi motors! Porsche SA se Hoofuitvoerende Beampte, Toby Venter (links), staan hier saam met Christo Kruger, mediabeampte van dié luukse motorgroep, tydens hul jaarlikse besoek aan De Kelders.
Gansbaai_Courant_New